"Барселона"нинг собиқ спорт директори Йорди Кройф Ламин Ямалнинг асосий таркибда ўйнашни бошлаганини эслади.
Вингер "кўк-анорранглилар" сафида 2023 йилнинг апрель ойида дебют қилган - ўша пайтда у 15 ёшда эди. Ўшанда жамоани Хави Эрнандес бошқарган.
"Ламин дебют пайтида 15 ёшда эди, аммо Хави уни янада эртароқ майдонга туширишни хоҳларди. Матеу Алемани икковимиз уни йўлдан қайтаришга мажбур бўлдик. Биз Хавига: "Ямал 15 ёшда, унинг шартномаси йўқ. Агар у ўнта ўйин ўтказса, бутун дунё биз кўрган нарсаларни кўради, у эса ҳатто шартнома билан ҳам ҳимояланмаган, деганмиз" - дея Йорди Кройфнинг сўзларини келтиради Barca Universal.
