"Ал-Ҳилол" клуби "Ньюкасл" ҳужумчиси Александр Исакнинг вакиллари билан боғланди.
"Қарғалар" швед учун тахминан 130 млн евро сўрамоқда ва Саудия клубидагилар бу талаблардан хабардор. Журналист Лоик Танзининг маълум қилишича, 25 ёшли футболчи "Ал-Ҳилол" билан музокаралар олиб боришга рози бўлган: у таклифни эшитишга тайёрлигини маълум қилган, бироқ фаолиятини Саудия Арабистонида давом эттириш варианти унга қанчалик қизиқ эканини ҳозирча ошкор қилмаган.
Яқинда берган интервьюсида Александр Исакнинг агенти мижози трансферга яқин эканлигини маълум қилди, бироқ даъвогарлар номини аниқ айтмади.
Аввалроқ, ҳужумчи учун курашда "Ливерпуль" фаворит сифатида кўрилганди.
