"Al-Hilol" klubi "Nyukasl" hujumchisi Aleksandr Isakning vakillari bilan bog‘landi.

"Qarg‘alar" shved uchun taxminan 130 mln yevro so‘ramoqda va Saudiya klubidagilar bu talablardan xabardor. Jurnalist Loik Tanzining ma’lum qilishicha, 25 yoshli futbolchi "Al-Hilol" bilan muzokaralar olib borishga rozi bo‘lgan: u taklifni eshitishga tayyorligini ma’lum qilgan, biroq faoliyatini Saudiya Arabistonida davom ettirish varianti unga qanchalik qiziq ekanini hozircha oshkor qilmagan.

Yaqinda bergan intervyusida Aleksandr Isakning agenti mijozi transferga yaqin ekanligini ma’lum qildi, biroq da’vogarlar nomini aniq aytmadi.

Avvalroq, hujumchi uchun kurashda "Liverpul" favorit sifatida ko‘rilgandi.