Мадриднинг "Реал" клуби ярим ҳимоячи Эдуардо Камавинганинг келажагига ишонмаяпти.
Ўтган мавсум француз учун унчалик омадли бўлмади: у барча турнирларда жамоанинг 35 ўйинида иштирок этди ва фақат 22 марта асосий таркибда майдонга тушди. Хавбек кўпинча жароҳатлар туфайли майдонга туша олмади, бу унинг ўйинларига таъсир қилди. Marca хабарига кўра, "қироллик клуби" раҳбарияти омадсиз мавсумдан сўнг 22 ёшли футболчига шубҳа билан қарай бошлаган.
Сўнгги вақтларда ОАВда Эдуардо Камавинганинг кетиши мумкинлиги ҳақида гап-сўзлар тарқалмоқда - унга "ПСЖ" ва "Манчестер Сити" клублари қизиқиш билдирмоқда. Transfermarkt талқинига кўра, футболчининг трансфер нархи 60 млн еврони ташкил этади, унинг шартномаси эса 2029 йилгача мўлжалланган.
