"Барселона" вингер Маркус Рэшфордни "Манчестер Юнайтед"дан сотиб олиш имконияти билан ижарага олади. Инглизнинг трансфери ҳақида яқин кунларда расман эълон қилиниши режалаштирилган. Журналист Рохер Торелонинг таъкидлашича, 27 ёшли футболчи Каталония гранди учун "янги Обамеянг" бўлишга умид қилмоқда. Эслатиб ўтамиз, габонлик футболчи "кўк-анорранглилар" сафида бир йилдан камроқ вақт ўйнаган, аммо 24 та ўйинда 13 та гол уриб, жамоага сезиларли фойда келтирди. Шунга ўхшаш муваффақиятни Рэшфорд ҳам такрорламоқчи.
"Барселона" агар лозим топса, "қизил иблислар" тарбияланувчисини 30 млн еврога сотиб олиши мумкин. Айнан испан клуби ижара даврида футболчига маош тўлайди.
