"Фенербахче" Миланнинг "Интер" клуби ярим ҳимоячиси Ҳоқон Чалханўғлини ўз сафига қўшиб олмоқчи.
Куни кеча ОАВда тарқалган миш-мишларга ишонадиган бўлсак, 31 ёшли футболчи Истанбул клубига ўтишни истамоқда. Журналист Николо Скиранинг маълум қилишича, "Фенербахче" хавбекка бонуслардан ташқари йилига 8 млн евро маош билан уч йиллик шартнома таклиф қилишга тайёр, шунингдек, битимга шартномани яна бир йилга автоматик равишда узайтириш имконияти ҳам киритилади.
"Интер" Ҳоқон Чалхонўғли билан хайрлашишни истамаяпти ва унинг учун 25-30 млн евро сўрамоқда. Айни дамда даъвогарлардан ҳеч бири бундай миқдордаги маблағни тўлашга тайёрлигини билдирмаган.
