Вингер Алехандро Гарначо Рубен Аморимнинг режаларига кирмайди, шунинг учун яқин келажакда сотилиши мумкин. The Telegraph нашри тарқатган хабарга кўра "қизил иблислар" 21 ёшли аргентиналик футболчининг нархини пасайтирган. Манбага ишонадиган бўлсак, манкунианликлар Гарначони 40 миллион фунтга сотишга тайёр. Еврога ўтказилганда бу нарх 46 миллиондан сал кўпроқ бўлади.
Гарначо Премьер-лигада қолишни афзал кўрмоқда ва унга бир нечта клублар - "Челси", "Астон Вилла" ва "Тоттенхэм" қизиқиш билдирмоқда.
Алехандро Гарначо "Манчестер Юнайтед" сафида 144 та расмий ўйин ўтказиб, 26 та гол урган ва 22 та голли узатмани амалга оширган.
