"Ливерпуль" вингери Федерико Кьеза ёзда клубни тарк этиб, Италияга қайтиш ниятида.
Футболчи Англиядаги дебют мавсумида ўзини кўрсата олмади - энди у ўз ватанида фаолиятини қайта бошлашга умид қилмоқда. Инсайдер Фабрицио Романонинг ёзишича, "қизиллар" бош мураббийи Арне Слот Кьеза кетишни истаётганини жуда яхши билади. Айнан шунинг учун мутахассис 27 ёшли футболчини жамоанинг Осиёдаги мавсумолди йиғинига олиб бормасликка қарор қилди.
Федерико Кьезега "Аталанта" қизиқиш билдирмоқда. Аввалроқ, "Ювентус" собиқ юлдузи "Милан", "Наполи" ва А Сериянинг бошқа топ-клубларига ўтиши мумкинлиги ҳақида хабарлар тарқалган эди.
