"Порту" "Ювентус"га ўнг қанот ҳимоячиларини алмаштириш бўйича келишув таклиф қилди. "Аждарлар" 21 ёшли Альберту Коштани ўз сафига қўшиб олмоқчи, Португалия клубига эса 25 ёшли Жоау Мариуни беришга тайёр, дея хабар бермоқда журналист Фабрицио Романо. Португалия клуби келишув доирасида "кекса синьора"га қўшимча 3 млн евро тўлашга рози.
Ҳар икки футболчининг нархи нуфузли Transfermarkt сайти томонидан 10 млн еврога баҳоланмоқда. Эслатиб ўтамиз, "Ювентус" Кошта учун "Витория Гимараэс"га деярли 14 млн евро тўлаб, уни атиги ярим йил олдин сотиб олган эди.
Альберту Коштанинг шартномаси 2029 йилгача мўлжалланган, Мариунинг "Порту" билан амалдаги келишуви эса 2027 йилда ўз ниҳоясига етади.
