Мадриднинг "Реал" клуби ҳужумчиси Эндрик жароҳатидан тикланишда давом этмоқда.
19 ёшли футболчи тизза ости пайининг шикастланиши туфайли сафдан чиққан. Журналист Хосе Феликс Диаснинг маълум қилишича, бразилиялик футболчининг майдонга қайтиши саккиз-ўн ҳафтадан сўнг амалга ошиши керак. Ёш ҳужумчи, дастлаб тахмин қилинганидек, янги мавсум бошланишини ўтказиб юборади.
Эндрик май ойидан бери "қаймоқранглилар" ўйинларида иштирок этмаяпти. Ўтган мавсумда вундеркинд Мадрид грандининг барча турнирларида 37 та ўйинда еттита гол урди ва битта голли узатмани амалга оширди.
19 август куни "Реал" Ла Лига 1-туридан ўрин олган "Осасуна"га қарши баҳс олиб боради.
