"ПСЖ" "Борнмут" ҳимоячиси Илья Забарнийни ўз сафига қўшиб олиш ҳаракатларини тўхтатмаяпти.
RMC Sport нашри тарқатган хабарга кўра француз клуби Юго Экитикени "Ливерпуль"га сотиш бўйича келишувни якунлагач, 22 ёшли украиналик футболчи учун ўз таклифини яхшилашга тайёр. Манбага кўра, "ПСЖ" Англия клубига 80 млн эвазига ўтадиган Экитикенинг трансфер суммасидан 20 фоизини олиб, 16 млн евро ишлаб олади.
Аввалроқ, парижликлар Забарний учун "Борнмут"га 60 млн евро таклиф қилишганди, аммо инглизлар рад жавобини беришди ва 70 млн евролик минимумни белгилашди. Энди "ПСЖ" музокараларга қайтиш ва келишув суммасини ўзгартириш ниятида.
