Мадриднинг "Атлетико" ва Лондоннинг "Челси" клублари 21 ёшли португалиялик ҳимоячи Ренату Вейганинг трансфери бўйича музокараларни бошлаяпти. Бу ҳақда инсайдер Фабрицио Романо ўзининг ижтимоий тармоқдаги саҳифасида хабар бермоқда.
Манба маълумотларига кўра, футболчининг ўзи "матрасчилар" сафига ўтишга розилик берган ва яқин кунларда биринчи таклиф кутилмоқда. "Челси" эса трансфер учун 40 миллион евро талаб қилмоқчи.
Эслатиб ўтамиз, Вейга ўтган йилнинг ёзида "Базел"дан "Челси"га 14 миллион еврога ўтган эди. У "кўклар" сафида барча мусобақаларда жами 14та ўйин ўтказди. Ўтган мавсумнинг иккинчи ярмини эса ижара асосида Туриннинг "Ювентус" жамоасида ўйнади.
