ЦСКАнинг собиқ футболчиси Дмитрий Хомуха Аббосбек Файзуллаевнинг пойтахт клубини тарк этиши бўйича фикр билдирди.
Эслатиб ўтамиз, яқинда ярим ҳимоячини Туркиянинг "Истанбул Башакшеҳир" клуби 7,5 млн еврога сотиб олиши айтилган эди.
"Менинг фикримча, бу ҳаммани қониқтирадиган яхши қарор. Футболчининг ўзи ҳам жамоани тарк этишни хоҳлади ва клуб бундан фойда кўрди," - дея Хомуханинг сўзларини келтиради Vprognoze.ru.
Шунингдек, мутахассис Файзуллаевнинг ўйинига ижобий баҳо бериб, футболчи "ҳарбийлар" сафида ўзини яхши кўрсатганини айтди.
Москванинг ЦСКА клубида ўтказган икки мавсумида ярим ҳимоячи 72 та ўйин ўтказиб, 8 та гол ва 22 та голли узатмани ўз ҳисобига ёздириб қўйган.
