Ҳимоячи Марк Гехи "Ливерпуль" эътиборида қолмоқда. Қолаверса, "Кристал Пэлас" амалдаги шартномаси 11 ойдан сўнг якунланадиган ҳимоячини сотишга тайёр. Гехига "Тоттенхэм" ва "Ньюкасл" ҳам қизиқиш билдирмоқда, аммо айнан "Ливерпуль" Англия терма жамоаси футболчиси учун энг эҳтимолий манзил ҳисобланади, деб ёзади Give Me Sport.
Муаммо футболчининг нархида. "Ливерпуль" агар "Кристал Пэлас" сўралаётган нархни ҳозирги 45 миллион фунтдан (деярли 52 миллион евро) пасайтирса, Гехини сотиб олишга тайёр.
Марк Гехи 25 ёшда. "Кристал Пэлас" бу ёзда ҳимоячини сотмаса, кейинги ёзда текинга йўқотиши мумкин.













