"Барселона" ўзининг янги дарвозабони, 24 ёшли испаниялик Жоан Гарсияни клубдаги илк машғулотларидан яхши таасуроот олди. Бу ҳақда Barca Universal портали хабар берди.
Манба берган хабарга кўра, каталонияликлар раҳбарияти испаниялик афсонавий Виктор Вальдесдан кейин бундай мукаммал реакцияга эга дарвозабонни кўрмаганини даъво қилмоқда.
Эслатиб ўтамиз, айни дамда Каталония клубининг асосий таркибида тўртта дарвозабон бор: янги келган Гарсия, яқинда каталонияликлар билан шартномасини узайтирган 35 ёшли Войцех Шесни, ўтган мавсумнинг биринчи ярмини асосий таркибда ўтказган каталонияликлар академияси битирувчиси - 26 ёшли Пенья, шунингдек, 33 ёшли немис Марк-Андре тер Штеген.
Эслатиб ўтамиз, "кўк-анорранглилар" Гарсиянинг трансфери ҳақида 18 июнь куни эълон қилганди. Шартнома 2031 йилнинг 30 июнига қадар мўлжалланган. Transfermarkt интернет портали маълумотларига кўра, трансфер 25 миллион еврога тушган.
