Франкфуртнинг "Айнтрахт" клуби спорт директори Маркус Креше ҳужумчи Уго Экитикенинг Англиянинг "Ливерпуль" клубига ўтиши ҳақида фикр билдирди.
Битим 23 июль куни расман тасдиқланган.
- Уго бизнинг клубда ўтказган вақт ичида жиддий йўлни босиб ўтди. У нафақат майдонда, балки кийиниш хонасида ҳам жамоанинг муҳим аъзосига айланди. Унинг "Ливерпуль" каби амбицияларга эга клубга ўтиши биз "Айнтрахт"да футболчиларни ривожлантиришни ва кейинги босқичга йўлланма беришни билишимиздан далолат беради. Уго бу қадамга лойиқ эди," - дея Крёшенинг сўзларини келтиради немис клуби матбуот хизмати.
2024/25 йилги мавсумда Экитике 48 та ўйинда майдонга тушиб, 22 та гол ва 12 та голли узатмани амалга оширди. Transfermarkt портали унинг бозор нархини 75 млн еврога баҳоламоқда.
