Ўзбекистон U-20 ёшлар терма жамоаси 29 июнь куни U-20 ЖЧ-2013 гуруҳ босқичидаги сўнгги тур учрашувини ўтказди.

Уругвай ёшлар терма жамоасига қарши кечган баҳсда ўзбекистонлик футболчилар 0:4 ҳисобида имкониятни бой беришди. Учрашувдан сўнг ташкил этилган матбуот анжуманида терма жамоа бош мураббийи Аҳмаджон Мусаев «шогирдларининг ёмон ўйини» – унинг хатоси эканлигини таъкидлади.

Уругвайга қарши ўйиндаги мағлубиятга қарамай, Ўзбекистон ёшлар терма жамоаси муддатидан аввал кейинги босқич йўлланмасини қўлга киритиб бўлганди. Мусаев болалари 2 июль, сешанба куни Газиантеп шаҳрида Тошкент вақти билан 20:00да Греция терма жамоасига қарши тўп суришади.

Қуйида, Ўзбекистон – Уругвай ўйинидан тайёрланган фоторепортаж билан танишишингиз мумкин. Суратлар муаллифи – Ҳасан Пирмуҳамедов (ЎФФ Матбуот хизмати).