"Манчестер Юнайтед" янги дарвозабон қидирмоқда, дея хабар бермоқда инсайдер Фабрицио Романо.
Манбага кўра, "Астон Вилла" "манкунианликлар"га Эмилиано Мартинесни ижарага беришни рад этган.
Шундан сўнг, "Манчестер Юнайтед" ёш ва тажрибали дарвозабонлар номзодини кўриб чиқмоқда. Асосий вариантлардан бири "Антверпен"дан 23 ёшли Сен Ламменс бўлиб қолмоқда.
"Антверпен" Ламменсни 2023 йилнинг ёзида "Брюгге"дан кетганидан кейин эркин агент сифатида ўз сафига қўшиб олди. У ўтган мавсумда 44 та ўйинда 56 та гол ўтказиб юборган ва 10 та ўйинда дарвозаси дахлсизлигини сақлаб қолган.
