"Шальке-04" яримҳимоячиси Юлиан Дракслер фаолиятини "Реал", "Манчестер Сити" ва яна бир инглиз клубида давом эттириш вариантини рад этди. Бу ҳақда Bild нашри хабар бермоқда.
Уччала клуб ҳам Германия терма жамоасининг 19 ёшли ўйинчиси учун йилига 12 миллион евро маош ва 5 йиллик шартнома таклиф қилган, аммо Дракслер барчасига рад жавобини берди.
"Ҳеч қаерга кетмоқчи эмасман, "Шальке" сафида Чемпионлар лигасида ўйнайман, сўнгра терма жамоа билан Жаҳон чемпионатига бораман", дея Дракслернинг сўзларидан иқтибос келтирмоқда юқоридаги нашр.
Манба маълумотларига кўра, 1 июльга қадар футболчининг шартномасини бекор қилиш учун 45,5 миллион евро тўланиши керак. Гельзенкирхен клуби билан келишилган янги шартномага кўра эса бир мавсумда 3 миллион евро маош олади.
