"Пари Сен-Жермен" ва "Фенербахче" клублари ҳужумкор ярим ҳимоячи Марко Асенсио бўйича музокараларни давом эттирмоқда.
Парижликлар испаниялик билан хайрлашмоқчи, турк клуби эса ой бошиданоқ 29 ёшли футболчи учун асосий даъвогар сифатида кўрилмоқда. Журналист Ромен Колле хабарига кўра, томонлар ҳали ҳам келишувнинг баъзи шартларини келиша олмаяпти. "Фенербахче" "ПСЖ" талабларини қондиришга тайёр эмас ва нархнинг пасайтирилишини талаб қилмоқда.
Марко Асенсионинг трансфер нархи Transfermarkt портали экспертлари томонидан 20 млн еврога баҳоланмоқда. Ўтган мавсумнинг иккинчи ярмини футболчи Англиянинг "Астон Вилла" клубида ижарада ўтказган эди.
