"ПСЖ" ва Жанлуижи Доннарумма янги шартнома бўйича музокараларни давом эттирмоқда.
Италияликнинг амалдаги меҳнат шартномаси келаси йилнинг ўрталарида тугайди. Парижликлар шартномани узайтирмоқчи, аммо дарвозабоннинг маош бўйича сўровларини қондира олмаяпти. Calciomercato хабарига кўра, "ПСЖ" Доннаруммага ҳар мавсум учун 7 млн евро ва 3 млн бонус тўлашга тайёр. Айни дамда футболчи бир мавсум учун 10 млн евро маош олмоқда - у маошини камайтиришга рози бўлишни истамаяпти.
Жанлуижи Доннарумма 2021 йилда француз гранди сафига қўшилганди. Ўтган мавсумда 26 ёшли кипер Луис Энрике жамоаси сафида 47 та ўйинда майдонга тушиб, 43 та гол ўтказиб юборган.













