"Барселона"нинг янги ҳужумчиси Маркус Рэшфорд бугун, 27 июль куни бўлиб ўтадиган "Виссел Кобе"га қарши ўртоқлик ўйини олдидан Япониядаги илк машғулотида жамоадошларини ҳайратда қолдирди. Таъкидланишича, машғулот давомида инглиз "ўзининг катта истеъдодини кўрсатган". Бу ҳақда Marca хабар бермоқда.
Манбага кўра, "кўк-анорранглилар" футболчилари 27 ёшли вингернинг ажойиб формада экани ва ўйинларда "Барселона" сафида майдонга тушишга тайёрлигини қайд этишган.
Каталония клуби 23 июль, чоршанба куни Рэшфордни "Манчестер Юнайтед"дан ижарага олганини эълон қилди. "Барселона" ҳужумчини 30+5 млн еврога сотиб олиши мумкинлиги ҳақида хабарлар тарқалган эди.
