Италиянинг "Ювентус" клуби "Осасуна" ҳимоячиси Флавьен Бойомони ўз сафига қўшиб олишга уриниши муваффақиятсиз якунланди. Бу ҳақда Football Espana портали хабар бермоқда.
"Осасуна" раҳбарияти "Ювентус"га Бойомони сотишдан бош тортди, чунки жамоа асосий таркибнинг яна бир муҳим ўйинчисини йўқотишни истамади. Яқинда жамоадан Бильбаонинг "Атлетик" клуби таклифини қабул қилган Хесус Аресо кетган эди.
Камерунлик Бономо бир йил олдин "Вальядолид"дан 5 миллион евро эвазига "Осасуна"га ўтган эди. 23 ёшли марказий ҳимоячи ўтган мавсумда клуб учун 40 та ўйинда майдонга тушиб, 2 та гол урди.
Фақатгина "Ювентус" 25 миллион евро товон пули тўлашга рози бўлсагина, Бономо жамоани тарк этиши мумкин. Ҳозирча "кекса синьора" бу маблағни беришга тайёр эканлиги ҳақида ҳеч қандай маълумот йўқ.
