ЦСКА дарвозабони Игорь Акинфеев армиячилар сафидаги 800-учрашувини ўтказди, деб хабар берди клуб матбуот хизмати Telegram-каналида. Учинчи тур доирасида бўлиб ўтган “Ахмат”га қарши учрашув (2:1) Акинфеев учун юбилей ўйинига айланди.

Акинфеев 800 та учрашувда 718 та гол ўтказган ва 334 ўйинни дарвозасини дахлсиз сақлаган ҳолда якунлаган. Игорь 2003 йилнинг 29 март куни, 16 ёшида, ЦСКА сафида дебют қилган. Кейинги йил у асосий дарвозабонга айланган. 2008 йили эса жамоа сардори этиб тайинланган.

39 ёшли дарвозабон 6 марта Россия чемпиони, 8 марта Россия Кубоги ва Суперкубоги соҳиби бўлган — бу кўрсаткичлар бўйича у мутлақ рекордчи ҳисобланади. 2004/2005 йилги мавсумда УЕФА Кубогини ҳам қўлга киритган.