Мюнхеннинг “Бавария” жамоаси “Штутгарт” форварди Ник Вольтемадени трансфер қилиш арафасида турибди.
Италиялик инсайдер Николо Скиранинг хабар беришича, “қизиллар” Вольтемадени 50 миллион евро эвазига сотиб олиши мумкин. Клублар асосий шартлар борасида келишиб бўлгани айтилмоқда.
Шу билан бирга, Германия манбалари аввалроқ “Штутгарт” 50+5 миллион евроли таклифдан қониқмагани ҳақида хабар берган эди.
Скиранинг маълумотига кўра, Ник Вольтемаде 5 йиллик шартнома шартларини келишиб олган. Молиявий жиҳатлари ҳозирча ошкор қилинмаган.













