"Комо" Мадриднинг "Реал" клуби марказий ҳимоячиси Хакобо Рамон билан шартнома имзолашни якунламоқда.
Томонлар трансфернинг барча шартларини ҳал қилишди, футболчи ҳам итальян клубига розилик билан жавоб қайтарди. Инсайдер Николо Скиранинг маълум қилишича, 20 ёшли испаниялик душанба куни тиббий кўрикдан ўтади, шундан сўнг у "Комо" билан 2030 йилгача мўлжалланган шартнома имзолайди. "Реал" ўз тарбияланувчисини келажакда қайта сотиш суммасининг 50 фоизини олади, шунингдек, Мадрид гранди 2028 йилгача марказий ҳимоячини биринчи навбатда сотиб олиш ҳуқуқига эга бўлади.
Аввалги ҳисоботларда айтилганидек, Хакобо Рамон "Комо"га 2,5 млн еврога тушади. Футболчи "қаймоқранглилар"нинг асосий жамоасида олтита ўйин ўтказиб, битта гол урган.
