"Ливерпуль" футболчиси Федерико Кьеза ҳамон ватанига қайтиш ниятида. Италиялик футболчи ўтган мавсумда "қизиллар"нинг асосий таркибига кира олмади, шунинг учун у ёзги трансферлар ойнаси ёпилгунга қадар А Серияга кўчиб ўтишни истамоқда.
Журналист Маттео Мореттонинг ёзишича, футболчи ўз агентига Италияда ўйнаш учун муносиб вариант топишни буюрган. Бир нечта клублар қизиқиш билдирмоқда, аммо ҳозирча битим молиявий жиҳатдан фойдали бўлишига ишончлари комил эмас.
Ўтган йили "Ливерпуль" Федерико Кьезани "Ювентус"дан 12 млн еврога сотиб олганди. Вингернинг ҳозирги нархи Transfermarkt портали томонидан 14 млн еврога баҳоланган. Европа чемпионига сўнгги пайтларда "Наполи", "Аталанта" ва "Милан" клублари қизиқиш билдираётганди.
