Лондоннинг "Арсенал" жамоасига янги қўшилган швециялик футболчи Виктор Дьёкерешнинг футболкалари савдоси клубнинг бутун тарихи давомидаги рекордини янгилади. Бу ҳақда The Athletic нашри хабар берди.
"Турли савдо шохобчалари ва чакана сотувчилардан олинган маълумотлар ҳали таҳлил қилинаётган бўлса-да, Дьёкерешнинг 14-рақамли футболкасига бўлган талаб клубнинг сўнгги йиллардаги бошқа барча футболкаларига нисбатан юқори эканлиги аллақачон маълум бўлди," - дея таъкидлайди манба.
Эслатиб ўтамиз, швециялик футболчи Лиссабоннинг "Спортинг" жамоасидан "тўпчилар" сафига ўтган эди. Ҳужумчи беш йиллик шартнома имзолади ва дарҳол "Арсенал" билан бирга Жануби-Шарқий Осиёга мавсумолди сафарига йўл олди.
