"Манчестер Юнайтед" бош мураббийи Рубен Аморим "Борнмут"га қарши ўртоқлик ўйинида Амад Диаллони янги позицияда ўйнатиш қарорига изоҳ берди.
Португалиялик одатда ивуарлик вингерни ўнг қанотда ўйнатар эди, бу сафар эса уни ҳужумчи остида ўйнатишга қарор қилди.
"У учун бу унчалик одатий позиция эмас, лекин у бу позицияда ўйнашга тайёр бўлиши керак. Бу позицияда ҳаракат қилишда чап оёқ футболчилар муҳим. Албатта, бу позицияда бизда Брайан Мбеумо бор, аммо мавсум узоқ ва биз Амад ҳам "ўнлик," ҳам вингер сифатида ўзини кўрсатишини истаймиз - бизга иккала вариант ҳам керак," - дея Аморимнинг сўзларини келтиради United Stand.
