"Манчестер Сити" спорт директори Чики Бегиристайн расман клубдаги фаолиятини якунлади. Мутахассис жамоага 2012 йилда келиб қўшилганди.
2024 йил октябрь ойида испаниялик "шаҳарликлар"ни тарк этишини эълон қилди. Бу ёзда унинг ўрнини Угу Виана эгаллайди.
Бегиристайн қўл остида "Сити" кўплаб совринларни қўлга киритди, жумладан, еттита АПЛ чемпионлиги, иккита Англия кубоги, Чемпионлар лигаси, клублар ўртасидаги жаҳон чемпионати ва УЕФА Суперкубоги.
Функционернинг ажойиб ютуқлари унинг шарафига Манчестер дербисига бағишланган бир қатор тадбирларда эътироф этилади. Испания терма жамоасининг собиқ футболчиси 14 сентябрь куни "Манчестер Юнайтед"га қарши ўйинда махсус меҳмон бўлади.
