"Пахтакор" жамоаси билан шартнома имзолаган Заид Таҳсиннинг фаолиятига назар ташлаймиз.
Ёзги трансферлар ойнасида асосий ҳимоячиларидан бири Абдулла Абдуллаевдан айрилган "Пахтакор" унинг ўрнини тўлдириш ва ҳимоядаги рақобатни ошириш мақсадида ироқлик футболчи Заид Таҳсин билан келишувга эришди.
Заид футболдаги профессионал фаолиятини 2019 йил "Нафт Ал Вассат" клубида бошлаган. 2021 йил футболчи Ироқнинг машҳур жамоаларидан бири "Ал Талаба"га кўчиб ўтди. 2023 йилнинг апрель ойида Заид ушбу жамоадаги ишончли ўйинлари сабаб Ироқ Юлдузлар лигасида ойнинг энг яхши футболчиси деб топилган. 2024 йил футболчи ўз мамлакатининг байдоқдор клуби — "Эйр Форс"га кўчиб ўтади ва шу вақтга қадар ушбу клубда тўп тепди.
У 2022 йилнинг 26 сентябрь санасида Ироқ терма жамоаси таркибида ўз дебютини ўтказади. Таҳсин ҳозиргача Ироқ термаси сафида 19 та ўйинда майдонга тушишга улгурди. У фаолияти давомида Ироқ U23 терма жамоаси билан Ғарбий Осиё чемпионатида ва Ироқ термаси билан Кўрфаз кубоги мусобақасида чемпион бўлди.
Ушбу футболчи ҳақидаги қисқа маълумотлар билан танишинг :
Туғилган санаси - 2001 йил 29 январь
Туғилган жойи - Ироқ, Нажаф
Ёши - 24
Бўйи - 1.93 см
ЎЙНАГАН ЖАМОАЛАРИ
Нафт Ал Вассат - 31 ўйин, 1 гол
Ал-Талаба - 92 ўйин, 13 гол
Эйр Форс - 30 ўйин, 2 гол
