"Барселона" уни ўз сафига қўшиб олишдан олдин кўп йиллар давомида Руни Барджининг ривожланишини кузатиб борди.

19 ёшли футболчи июль ойида "кўк-анорранглилар" сафига қўшилганди. Sport нашрининг таъкидлашича, Каталония гранди истиқболли швецияликни олти йил давомида - 13 ёшидан буён кузатиб келган. "Барса" ҳатто вингернинг оғир жароҳатдан тикланиш давридаги ҳолати билан ҳам қизиқди.

Эслатиб ўтамиз, Руни Барджи Каталонияга кўчиб ўтишидан олдин "Копенгаген" шарафини ҳимоя қилган. Янги юлдузнинг трансфери "Барселона"га атиги 2,5 млн еврога тушди, чунки футболчининг Дания клуби билан шартномаси жорий йил охирида тугайди.