"Ливерпуль" ҳужумчиси Дарвин Нуньес яқин келажакдаги режаларини қайта кўриб чиқишига тўғри келиши мумкин.
Уругвайлик футболчига асосий даъвогар сифатида Саудия Арабистонининг "Ал-Ҳилол" клуби кўрилмоқда. Инглиз гранди футболчини сотишга тайёр ва энди барчаси унинг ўзига боғлиқ. Журналист Николо Скиранинг ёзишича, Нуньес келажак ҳақида ўйлашда давом этмоқда: у фаолиятининг ҳозирги босқичида Саудия Арабистонига кўчиб ўтишга тайёрми ёки йўқлигини ҳали ҳал қилмаган. Икки ой муқаддам 26 ёшли форвард саудияликларга рад жавобини бериб, Европада қолиш ниятида эканини айтганди.
Энди ҳаммаси ўзгариши мумкин. Турли маълумотларга кўра, Дарвин Нуньесга "Ювентус", "Наполи" ва "Ньюкасл" клублари ҳам қизиқиш билдирган.
