Эронлик ҳужумчи Меҳди Тареми ёзда бошқа клублардан жиддий таклифлар бўлганига қарамай, "Интер"нинг мавсумолди машғулотларига қайтади.
Тареми ўтган дам олиш кунлари машғулотларда қатнашмади. Футболчи Эрон ва Исроил ўртасидаги можаро туфайли ўз ватанини тарк эта олмагани учун стрессни бошдан кечиришига тўғри келди. Клуб 33 ёшли футболчига қўшимча бир неча кунлик таътил берди, деб хабар беради Corriere dello Sport.
Шунга қарамай, Тареми ҳамон "нерадзуррилар"нинг кейинги мавсумдаги режаларидан ўрин олмаган. У август ойида бошқа клубга ўтишини кутиб, мавсумолди йиғинларида ўз формасини сақлаб туришга ҳаракат қилади.
