Eronlik hujumchi Mehdi Taremi yozda boshqa klublardan jiddiy takliflar bo‘lganiga qaramay, "Inter"ning mavsumoldi mashg‘ulotlariga qaytadi.
Taremi o‘tgan dam olish kunlari mashg‘ulotlarda qatnashmadi. Futbolchi Eron va Isroil o‘rtasidagi mojaro tufayli o‘z vatanini tark eta olmagani uchun stressni boshdan kechirishiga to‘g‘ri keldi. Klub 33 yoshli futbolchiga qo‘shimcha bir necha kunlik ta’til berdi, deb xabar beradi Corriere dello Sport.
Shunga qaramay, Taremi hamon "neradzurrilar"ning keyingi mavsumdagi rejalaridan o‘rin olmagan. U avgust oyida boshqa klubga o‘tishini kutib, mavsumoldi yig‘inlarida o‘z formasini saqlab turishga harakat qiladi.
