"Манчестер Юнайтед" "Лейпциг"нинг 22 ёшли ҳужумчиси Беньямин Шешко билан шартнома имзолаш бўйича музокараларни бошлади. Футболчининг эҳтимолий трансфери 79 млн фунтни (90 млн евро) ташкил этиши мумкин. Бу ҳақда Manchester Evening News хабар бермоқда.
Манбага кўра, словениялик футболчига даъвогарлик қилаётган "Ньюкасл" форвард учун курашда "қизил иблислар"га енгилганини тан олган. "Ҳаккалар" Шешкони ҳужумчи Александр Исакга ўринбосар сифатида кўраётганди.
Таъкидланишича, "Манчестер Юнайтед" клуби Шешко хариди бўйича келишувни молиялаштира олишига ишонмоқда.
Ўтган мавсумда Шешко барча мусобақаларда 45 та ўйинда майдонга тушиб, 21 та гол ва 6 та голли узатмани амалга оширди.
