"Ювентус" ярим ҳимоячиси Дуглас Луис "Фенербахче"га рад жавобини берди. Истанбул клуби "жиддий" таклиф билан чиқди, бироқ бразилиялик футболчи фаолиятининг ҳозирги босқичида Туркияга кўчиб ўтишга тайёр эмаслиги ҳақида маълум қилди, деб ёзади журналист Орацио Аккомандо. 27 ёшли футболчи Англия Премьер-лигасига қайтишни истамоқда. Унга "Ноттингем Форест" қизиқиш билдирмоқда, аммо ҳозирча аниқлик киритилмаган.
"Ювентус" жорий трансферлар даврида Дуглас Луис билан хайрлашмоқчи. Футболчи ўтган ёзда "Астон Вилла"дан 51 млн евро эвазига туринликлар сафига қўшилганди, аммо Италияда ўзини кўрсата олмади. Transfermarkt портали хавбекнинг нархини 30 млн еврога баҳоламоқда.
