"Интер" ҳужумчи Адемола Лукман трансфери бўйича "Аталанта" билан келиша олишига ишонмоқда.
Бергамо клуби аввалги таклифларни рад этди, бироқ футболчининг ўзи ўтишни талаб қилмоқда - у аллақачон миланликлар билан 2030 йилгача мўлжалланган шартномани келишиб олган. Журналист Николо Скиранинг таъкидлашича, "Интер" нигериялик футболчининг трансферига музокаралардаги қийинчиликларга қарамай рози бўлишига ишонмоқда. Янги муҳокамалар шу ҳафта бўлиб ўтади.
Адемола Лукман "Аталанта" сафида 118 та ўйинда 52 та гол урди ва 25 та голли узатмани амалга оширди. Миш-мишларга кўра, "Интер" 27 ёшли футболчи учун бонуслардан ташқари 45 млн евро атрофида таклиф қилади.
