Дортмунднинг "Боруссия" клуби ҳужумчиси Карим Адейемини Миланнинг "Интер" клубига ўтиши билан боғлашмоқда.
"Нерадзуррилар" ҳужумни кучайтириш устида ишламоқда. Асосий мақсад Адемола Лукман ҳисобланади, аммо "Аталанта" билан музокаралар осон кечмаяпти, шунинг учун бошқа номзодлар ҳам кўриб чиқилмоқда.
"Миш-мишларга қарамасдан, "Интер" ва Адейеми ўртасида ҳеч қандай алоқа бўлмаган. Адейеми Лукман билан бир хил агентлик вакили, аммо агентлар билан музокаралар чоғида гап фақат Лукман ҳақида борди", - деди таниқли инсайдер.
Карим Адейемининг нархи 45 млн еврога баҳоланмоқда. 23 ёшли футболчининг "асаларилар" билан шартномаси 2027 йилгача мўлжалланган.













