Мадриднинг "Реал" клуби ярим ҳимоячиси Эдуардо Камавинга жамоадаги ўрнидан хурсанд эмас. Француз ўтган мавсумни муваффақиятсиз ўтказди: у кўпинча жароҳатлар туфайли сафдан чиқди ва ҳатто тайёр бўлганида ҳам ҳар доим ҳам бошланғич таркибда майдонга тушмади.
Журналист Пабло Галегонинг маълум қилишича, 22 ёшли хавбек бўлажак мавсумда "қаймоқранглилар"нинг асосий таркибига қайтишни мақсад қилган. Футболчи аллақачон жароҳатини даволаган, у таътилда биринчи ўйинларга яхши жисмоний ҳолатда келиш учун астойдил ишлаган.
Эдуардо Камавинга 2024/25 йилги мавсумда "Реал"нинг барча мусобақалардаги 35 та ўйинида қатнашиб, 2 та гол ва 2 та голли узатмани амалга оширди.
