Тез орада Италия А сериясининг янги мавсуми бошланади ва Франциянинг "Марсель" клубидаги 6 ойлик ижарадан сўнг "Милан"га қайтган жазоирлик марказий ярим ҳимоячи Исмоил Беннасер ҳамон ўзи учун янги жамоа изламоқда.
27 ёшли футболчи Массимилиано Аллегри жамоасида ўйнашни истамаяпти, аммо "россонерилар" ва бошқа клублар ўртасидаги эҳтимолий трансфер бўйича музокаралар олиб боришга бўлган барча уринишлар ҳозирча муваффақиятсизликка учрамоқда.
Улар ҳатто жазоирликни Саудия Арабистонига жўнатмоқчи бўлишди, бироқ "Ал-Иттиҳод" билан музокаралар сўнгги пайтларда давом этмаяпти.
Шу фонда Туркиянинг "Бешиктош" клуби ҳам фаоллашиб, "Милан"га трансфер маълумотлари бўйича сўров юбориб, ҳозирча жавоб кутмоқда.
Ўтган мавсумда Беннасер 20 учрашувда жами 1081 дақиқа ўйнади ва 3 та голли узатмани амалга оширди.
