Мадриднинг "Реал" клуби расмий телевидениеси клубнинг мавсумолди тайёргарлик жараёни учун жуда кам вақтга эга бўлганидан норозилик билдирди.

"Ла Лиганинг янги мавсуми коррупция, сохталаштириш ва манипуляция билан бошланади. "Реал" мавсумни ёмон тактик ва жисмоний формада бошлайди ва бу тасодиф эмас, балки лиганинг онгли қарори натижасидир.

Улар ҳалол рақобат ҳақида гапиришади, лекин ҳолдан тойган жамоани ўйнатиш, бошқалар эса мавсумга ҳафталаб тайёргарлик кўриши адолатданми?! Агар бу чемпионат бошланишидан олдин содир бўла бошлаган бўлса, унда ҳакамлар ўйинлар давомида қарор қабул қилишни бошлаганида нима бўлади?!", - дейилади клуб эфирида.

Эслатиб ўтамиз, Ла Лиганинг 1-турида "қаймоқранглилар" "Осасуна"га қарши баҳс олиб боради (19 август куни).