"Барселона" дарвозабони Марк-Андре тер Штеген жароҳати бўйича маълумотномани имзолашдан бош тортди.

Ҳамма гап шундаки, хулосада дарвозабонни тиклаш муддати кўрсатилган, бу муддат тўрт ойни ташкил этади. Бу "Барселона"га янги футболчиларини рўйхатдан ўтказиш имконини беради. Аммо тер Штеген каталонияликларга ён бермаяпти, дея хабар бермоқда Mundo Deportivo.

Бунга жавобан "Барселона" клуб ҳуқуқшуносларидан бундай ҳаракатлари учун немисни жазолаш вариантини кўриб чиқишни сўради.

Эслатиб ўтамиз, раҳбарият анчадан буён тер Штегенга жамоа режаларига кирмаслигини айтиб, ўзига янги клуб қидиришни таклиф қилганди. Бироқ германиялик посбон 2026 йилги жаҳон чемпионати олдидан бошқа жамоага кетмоқчи эмас.