5 август куни Каталония клуби ярим ҳимоячиси, Гави номи билан танилган Пабло Мартин Паэс Гавира 21 ёшни қаршилади.
"Барселона"нинг Осиёдаги турнеси давомида Гави "Тэгу"га қарши назорат учрашувида (0:5) иккита гол уриб, асосий қаҳрамонлардан бирига айланди. Ханс Флик аллақачон андалусиялик ёш футболчини майдон марказининг асосий фигураси сифатида кўрмоқда.
2021 йилда дебют қилганидан бери Гави "Барса"нинг асосий жамоаси сафида барча мусобақаларда 168 та ўйинда майдонга тушиб, 14 та гол ва 20 та голли узатмани амалга оширган, шунингдек, Испания терма жамоаси сафида 35 та ўйинда майдонга тушиб, 4 та гол урган.
Гави ҳар мавсумда асосий жамоадаги ўрнини мустаҳкамлаб бормоқда. Энди 21 ёшга тўлган футболчи асосий таркибда доимий ўйнаш учун курашиш ва "Барса"га янги мавсумда совринлар учун курашда ёрдам бериш ниятини яширмаяпти.
