Эфиопия терма жамоасининг ЖЧ-2014 саралаши доирасидаги Ботсванага қарши ўйини ҳисоби ФИФА томонидан бекор қилинди ва Эфиопияга техник мағлубият (0:3) ёзилди. Бу ҳақда қарор қабул қилингани ҳақида хабарни ташкилот расмий сайти чоп этган.
8 июнь куни бўлиб ўтган ва Эфиопиянинг 2:1 ҳисобидаги ғалабаси билан якунига етган учрашувла Миньяхиле Тешоме Бейене майдонга тушган. Маълум бўлишича, у бу ўйинни сариқ карточкалари йиғилиб қолгани сабабли ўтказиб юбориши керак бўлган.
Айтиш жоиз, ушбу техник мағлубиятга қарамай Эфиопия ЖАР, Ботсвана ва МАРни ортда қолдирган ҳолда ҳамон гуруҳда пешқадам бўлиб турибди.
