"Манчестер Сити" марказий ҳимоячиси Жон Стоунс янги мавсумдан нималар кутаётгани ҳақида гапирди.
"Шаҳарликлар" ўтган мавсумни муваффақиятсиз ўтказиб, якунда Премьер-лигада учинчи ўринни қўлга киритишди. Кубок турнирлари ва Чемпионлар лигасида ҳам Хосеп Гвардиола жамоаси муваффақият қозона олмади.
"Ўтган мавсум олдинги йиллардаги ютуқларимиз нақадар ақл бовар қилмас даражада бўлганини кўрсатди. Бу аввал эришган ютуқларимиздан фахрланиш ва муваффақиятсизликдан кўнгил қолишдир. Учинчи ўрин - биз такрорлашни истамайдиган ёмон натижа. Биз ҳаммасини тўғрилашимиз, ўзлигимизни қайтаришимиз, яна ғалаба қозонишни бошлашимиз керак. Биз янги мавсумга ҳаддан ташқари мотивация билан кирмоқдамиз," - дея Стоунснинг сўзларини келтиради City Xtra.
16 август куни "Манчестер Сити" АПЛ-2025/26 1-туридан ўрин олган "Вулверхэмптон"га қарши баҳс олиб боради.
