"Челси"нинг янги аъзоси Эстевао Виллиан кўплаб вариантлар орасидан нега Лондон клубини танлагани ҳақида гапириб берди.
Ўша пайтда "Палмейрас" сафида тўп тепган умидли бразилиялик бир қатор Европа грандлари эътиборида эди, аммо у "Челси"га ўтишни маъқул кўрди. Сешанба куни "кўклар" 18 ёшли футболчини янги ўйинчи сифатида таништирди.
"Клуб тузилмаси, лойиҳа ва режалар - трансфернинг асосий сабаблари, айнан шу нарса мени ва оиламни кўпроқ қизиқтирди. Ўйлайманки, биз барча имкониятлардан энг яхшисини қабул қилдик," - дея Эстеваонинг сўзларини келтиради "Челси" матбуот хизмати.
