Лондоннинг "Челси" клуби тақиқланган моддаларни истеъмол қилгани учун дисквалификация қилинган украиналик ярим ҳимоячи Михайло Мудрикни рўйхатдан чиқармаяпти.
Лига матбуот хизмати хабарига кўра, “аристократлар” 24 ёшли футболчини янги мавсум учун жамоа рўйхатига киритишди.
Аввалроқ матбуотда Мудрик допинг туфайли тўрт йилни ўтказиб юбориш хавфи борлиги ҳақида хабар берган эди.
Михайло инглизлар сафига 2023 йилда “Шахтёр”дан 70 миллион евро эвазига ўтган эди.













