"Наполи" ярим ҳимоячиси Скотт Мактоминай "Олтин тўп"га даъвогарлар рўйхатидан жой олади.
Барча номзодлар номи бугун, 7 август куни эълон қилинади. Sam C инсайдерига маълум бўлишича, номзодлар орасида Мактоминей ҳам бор. 28 ёшли шотландиялик футболчи Италиядаги дебют мавсумини ажойиб ўтказди: у Антонио Конте жамоасига А Серияда ғалаба қозонишга ёрдам берди ва чемпионатнинг энг яхши футболчиси деб топилди.
Скотт Мактоминай "Наполи" сафида барча мусобақаларда 36 та ўйинда майдонга тушиб, 13 та гол урган ва олтита голли узатмани амалга оширган. Ўтган йилнинг август ойида Италия гранди хавбекни "Манчестер Юнайтед"дан 30,5 млн еврога сотиб олган эди.
"Олтин тўп"ни топшириш маросими 22 сентябрга белгиланган. Мукофотнинг амалдаги соҳиби - "Манчестер Сити" вакили Родри.
