Мадриднинг "Реал" клуби ҳужумкор ярим ҳимоячиси Арда Гюлер янги бош мураббий Хаби Алонсо қўл остида дастлабки ойларда ўзини кўрсатмоқда.
20 ёшли футболчи клублар ўртасидаги жаҳон чемпионатида жамоада муҳим роль ўйнади, турнирда "қаймоқранглилар" ярим финалга чиқди. Журналист Рубен Мартиннинг ёзишича, "Реал"дагилар Гюлернинг мавсумолди тайёргарлик давридаги жисмоний ҳолатидан жуда ҳайратда, "қироллик клуби"дагилар яна ёш футболчининг ишга бўлган муносабатидан ҳайратда.
Турк 2024/25 йилги мавсумда Мадриднинг барча мусобақалардаги 49 та ўйинида қатнашиб, олтита гол ва 11 та голли узатмани амалга оширди.
